يا جماعه اقراوا البوست كويس انا بتكلم عن حسن شاكوش بسسسسس لا جبت سيرة حمو بيكا ولا حتى محمد رمضان ولا حتى السبكي فيه فرق كبير بين حسن وبين الباقي الناس اللي راحت حفلة الاستاد ادرى وبيقولو تم تغيير جملة واشرب خمور وحشيش اللي مزعلاكم دي لمن غيرك مش هعيش بس كذا حد قالي كدا بس لما نيجي نقارن نقارن صح بيكا من اول اغنيه ليه ودي كلماته لكن حسن بما أنه أول اغنيه ليه فلسه مش خبره بس نيته نضيفه وغير الجمله اسمعوا كدا اغاني بيكا واغنيه بنت الجيران هتلاقوا فيه فرق جذري وبعدين مفيش فرح مش بيشغل مهرجانات ! اتمنى تكونو فهمتو اني مش مع المهرجانات بس مع الاغنيه دي بالذات ومع المغني دا
#تم وقف اغاني شاكوش ومنعه
#وتم وقف تصوير مسلسل محمد رمضان الجديد
 اللي بجد يستاهل قول

جملة " أشرب خمور  و حشيش " اللي مضايقة الناس في اغنية حسن شاكوش ، طب ما حفلات الفنان الكبير محمد منير بتاعت الساحل بيبقي فيها الخمور و الحشيش ذات نفسهم و عيني عينك (و دا مش تقليل من منير + مش كل جمهور منير ) !!

طب ما كل أفلام خالد يوسف فيها مشاهد خمور و حشيش و دعارة و مع ذلك كان بيتكرم و ياخد جوايز ، و مش خالد يوسف بس ده حتي مسلسلات رمضان كلها مشاهد من هذا القبيل(ع حسب الورق)

إنتوا ليه جايين ع الغلبان اللي مش فاهم و سايبين المثقفين و الفنانين اللي فاهمين !!

هو حسن شاكوش هو اللي هيفسد الذوق العام لوحده ولا عشان الواد غلبان و ملوش ضهر و حسيتوا انه هياكل اللقطة و يقعد مطربين كبار في بيتها ؟

عمري ما كنت اتمني إني في يوم من الايام ابقي بدافع عن شخص بيقدم فن (غير هادف )بس السلخانة و الإفتراء اللي انتوا عاملينه علي الواد الغلبان ده بجد شيء مقرف جداً
#شاكوش